Politika e Privatësisë

Kjo politikë shpjegon si EasyKont — pika e shitjes me kupon fiskal: aplikacioni për kompjuter, portali web dhe aplikacioni mobil — i trajton të dhënat. EasyKont është vetëm për biznese: biznesi regjistrohet vetë dhe e përdor për të shitur, për t’i fiskalizuar shitjet në Sistemin Elektronik të Fiskalizimit (SEF) të ATK-së dhe për të shtypur kuponët.

1. Çfarë të dhënash përdorim

• Regjistrimi i biznesit: emri i biznesit, NUI, numri i TVSH-së (nëse e ka), adresa dhe qyteti; emri, email-i dhe telefoni i pronarit; emri i përdoruesit dhe fjalëkalimi, i cili ruhet vetëm i koduar.
• Stafi: emrat e punëtorëve që pronari i shton, bashkë me PIN-et dhe kartelat e tyre të kyçjes; PIN-et ruhen vetëm të koduara.
• Shitjet: artikujt dhe çmimet, porositë, pagesat, arka dhe kuponët fiskalë me numrat e tyre.
• Pajisjet: kompjuteri i arkës dhe printerët fiskalë që lidhni, si dhe versioni i aplikacionit dhe gabimet e tij, për ta mbajtur arkën në punë.
• Kamera (aplikacioni mobil): vetëm për të skanuar barkode në arkë.
• Fotot (aplikacioni mobil): vetëm për të zgjedhur logon e biznesit dhe për të ruajtur dokumentet që ju vetë i prodhoni.
• Autentifikimi biometrik (Face ID / gjurma e gishtit): përpunohet vetëm lokalisht në pajisjen tuaj nga sistemi operativ — nuk e marrim, shohim apo ruajmë asnjë të dhënë biometrike.
• Njoftimet: adresa e njoftimeve e telefonit tuaj, për t’ju dërguar njoftime nga EasyKont.

2. Si i përdorim

Të dhënat përdoren vetëm për të ofruar EasyKont: kyçjen, shitjen, fiskalizimin, shtypjen e kuponëve, raportet e arkës dhe eksportin ditor në Excel që e shkarkoni vetë.

3. Kujt i dërgohen

• Administrata Tatimore e Kosovës (ATK): çdo shitje e fiskalizuar i dërgohet SEF-it të ATK-së, siç e kërkon ligji për fiskalizimin.
• Katalogët publikë të produkteve (p.sh. Open Food Facts): kur skanohet një barkod që nuk e njohim, e kërkojmë vetëm numrin e barkodit, për t’ju sugjeruar emrin e artikullit. Asnjë e dhënë e biznesit nuk dërgohet.
• Ofruesit e shërbimeve: email-et e sistemit (kodi i verifikimit dhe përgjigjja për regjistrimin) dërgohen përmes ofruesit tonë të email-it, dhe njoftimet e telefonit përmes shërbimit të njoftimeve të Expo-s.

4. Ruajtja dhe siguria

Të dhënat ruhen në serverët tanë dhe mbrohen me kyçje (autentikim), enkriptim të fushave të ndjeshme dhe akses të kufizuar. Kur interneti ndërpritet, aplikacioni për kompjuter i ruan shitjet në kompjuterin e arkës dhe i dërgon sapo lidhja kthehet. I mbajmë të dhënat për aq kohë sa llogaria juaj është aktive ose sa e kërkon ligji — kuponët fiskalë dhe shitjet mbahen aq sa kërkohet për dokumentet tatimore.

5. Të drejtat tuaja

Mund të kërkoni qasje, korrigjim ose fshirje të të dhënave tuaja duke na kontaktuar. Për të fshirë llogarinë tuaj dhe të dhënat përkatëse, vizitoni easykont.com/fshij-llogarine. Të dhënat që ligji na detyron t’i mbajmë (p.sh. kuponët fiskalë) mbahen deri në afatin ligjor.

6. Kontakt

Për çdo pyetje rreth privatësisë, na shkruani në info@atika.solutions. Kontrollues i të dhënave: ART ZYMERI B.I., Kosovë.